Foros de la Plataforma por una Vivienda Digna

[papeltijera]

O meu ambiguo ser escribira con ledicia uns textos en indymedia, chamándose auga, querendo vir da choiva e facer mareas convosco. Non representaba á asamblea, prestáballe se outros daban a súa versión das convocatorias e das xuntanzas.

Tiña unhas notas para anuncia-la mani do 24 de marzo, e pensei que era mellor que puxese aquí o texto completo, por si nel hai intencións miñas que non son as que temos entre todos. Velaí:

---

Mani da vosa medida, sen propietarios, sen aluguer ningún, que non pode facer ninguén sen os outros.

Non hai contrato nin garantía. Uns que se encontraron en maría pita o 23 e foron quedando desde aquela, os mesmos e distintos, comunicaron ó goberno a data e o percorrido, que é o da primeira vez. Mais non hai organización ningunha, e se sai vinde, desorganizádea, sede connosco a organización, peregrinade solemnemente ó obelisco ou balade pola rúa adiante.

Traede desexos, ideas, linguas. Non hai megáfonos, voz grande e mecánica, haberá voces ou silencios inesperados. Silencio, conversa, berro, simpatía, indiferencia ou fluir coa rúa, os veciños e viaxeiros, festa ou pensamento, sucederán ou non.

Sábado 24 de marzo, maría pita-obelisco-maría pita, desde as 17:00, con tambores e gaitas ou sen tambores e gaitas.

(Soños e pensamentos tamén no foro galego de www.viviendadigna.org)

---

Penso tamén que, aparte do que digades, pódese engadi-la convocatoria do roteiro do atreu, cando a poñan por aí.

[Buran]