Foros de la Plataforma por una Vivienda Digna

[papeltijera]

Os estudiantes deixaran de se preparar pra facer caixas de gardar consumidores. Deixaran de se preparar pra facer pirámides e centros de ocio e grandes símbolos do esmorecemento.

Aprendían como podían a arquitectura da herba, levaban dentro a tensión de se divertir mentres facían os seus pactos pra sobrevivir.

As casas eran doadas de armar e desarmar, calquera podía sementar nelas migracións de xirafas.

Estaban feitas pra o sexo e pra ser invadidas por bandas de nenos e de lectores de ivan illich.

Xuntábase daquela unha ducia delas, descorríanse os tellados, eran benvidas as pólas das árbores, caía paseniño a choiva polas follas luminosas, prendíanse cachelas, o botellón duraba ata o mencer.

Había feridas no chumbo, sempre os penedos facían sinais, voltara o millo nunha bicicleta amarela.

[papeltijera]

As portas deben ser tenras cos bébedos de todas clases.