Foros de la Plataforma por una Vivienda Digna

[santi_Lugo]

Tendo en conta que as pretensións urbanísticas de construcción no Parque Rosalía de Castro foron aprobadas no PXOM. Cómpre a catalogación deste parque como Ben de Interese Cultural para que se poida frear dunha vez esta aberración urbanística. Aquí deixo o que se solicita formalmente e ao final, o link onde podedes deixar os vosos datos para contribuír a esta catalogación. SAÚDOS!!!


SOLICITAMOS:

A catalogación do Parque de Rosalía de Castro e o seu entorno como Ben de Interese Cultural (B.I.C.) segundo a Lei 8/1995 de Patrimonio Cultural de GALICIA do 30 Outubro, tal e como expoñemos nos antecedentes:

1.- Tendo en conta o artigo 8 do capítulo I, apartado 4 c) onde dí: "para os efectos da presente lei, teñen a consideración de xardín histórico, o espazo delimitado, produto da ordenación polo home de elementos naturais, ás veces complementando con estruturas de fábrica, e estimado de interese en función da súa orixe ou pasado histórico ou dos seus valores estéticos, sensoriais ou botánicos".

2.- Tendo en conta a vulnerabilidade deste ben a agresións insensibles neste momento.

3.- Tendo en conta o cumprimento do artigo 104 da Lei 9/2002 de Ordenación Urbanística e Protección do Medio Rural de Galicia (LOUGA).

4.- E tendo en conta a protección das augas das Termas Romanas.

Como veciños e usuarios deste singular espazo e entorno, esiximos as máximas garantías da súa permanencia no tempo así como a súa debida e necesaria protección polas administracións públicas. Cremos que esta protección é necesaria para conseguir a revalorización do entorno, para resolver as conexións entre o Parque e as Costas e para integrar o Xardín na zona. O Parque non pode ser un oasis rodeado de rúas, senón un ente único co conxunto das Costas do Parque e a paixase pintoresca do Río Miño. Cada un dos recantos que forman este espazo deberá dotarse de maior protagonismo, conseguido a partir dun deseño coidadosísimo das diferentes áreas.

Deberase rematar definitivamente coa agresión que supoñen as novas construcións, os viais, a presión demográfica e os medios de locomoción.


Contrubúe na campaña pola declaración como ben de interese cultural introducindo os teus datos aquí:

http://www.parquerosalia.es/bic.asp
_________________
En una época de universal engaño, decir la verdad es un acto revolucionario, George Orwell.